Ekkert að frétta?

Héðan úr Bolungarvík er ekkert að frétta, sem útskýrir kannski bloggleysið. 

Veðrið er reyndar ógeðslegt en stórbrotið, sjórinn er rosalega fallegur og kannski var bara kominn tími á rigningu eftir viku frost og logn. Annars er allt það besta að frétta úr skólanum enginn hlandlykt lengur enda er Dagbjartur húsvörður og hann reddar svona málum.

Dagurinn í skólanum í dag var óvenju fínn enginn veikur og ég þurfti ekki að vera í eyðum. Pylsur í hádeginu það var helvíti fínt og svo er það bara Reykjavíkin á föstudaginn. Ég er ekki frá því að maður sé bara helvíti bjartsýnn og hress.

Orð dagsins í dag er því.

Þvengilsmennska

Þvengilsmennska þýðir það þegar einhver hagar sér asnalega eða lætur kjánalega. Orðið er einsog flest orð í íslensku kennd við sprúttsala á Suðurlandi á 19 öldinni sem hét Þvengill. Hann átti það til að láta öllum illum látum þegar að hann sjálfur datt í það en sagt er að það hafi skeð einu sinni á ári eða 13 September. Enn þann dag í dag er haldið uppá þennan dag hátíðlegan á Suðurlandi og meiga þá börn jafnt sem fullorðnir drekka sig til óbóta eða til Þvengils einsog sagt er. Orðið er reyndar sjaldnast í dag notað um ofdrykkju heldur þykir það sparí hjá miðaldra húsmæðrum á Langanesi að tala um þvengilsmennsku þegar einhver talar um samfarir eða tíðir.

Takk fyrir mig í dag eigið góðar stundir. 

Athugasemdir

[Ragna Jóhanna Magnúsdóttir , 16.2.2007 kl. 00:07]

Þú ert ótrúlegur bullustrokkur, Hákon " granni".  

[MÖ (IP-tala skráð) 16.2.2007 kl. 13:23]

Leiddist í vinnunni og leiddist út í að skoða blogg ókunnugra, leiddist reyndar líka í þeim skóla sem þú virðist vera að vinna í og leiðist það óskaplega þegar fólk segist vera á Bolungarvík. Ég er alin upp í Bolungarvík og "í Bolungarvíkinni er björgulegt lífið".... með íííííi. Annars ætla ég ekki að hafa þetta lengra í bili, þarf að skreppa á Reykjavík :)

Kv. MÖ

[Gummi Jóns (IP-tala skráð) 16.2.2007 kl. 17:07]

mér lýst vel á hugmynd Hjalta, væri flott að taka smá rúnt vestur til bolungarvíkur ertu ekki með smá pláss fyrir nokkra kúta?

[Þorsteinn Guðmundsson, 16.2.2007 kl. 17:26]

Ég styð það. Í. Það fer betur að segja í Bolungarvík en á Bolungarvík. Alveg eins og: úti í rassgati en ekki úti á rassgati.