EINKAPARTÝ!

Já þá er loksins komið eitthvað stuð í þennan bæ. Barinn opinn fullt af fólki og einkapartý. Nú loksins eftir að hafa verið neitað um að koma í 2 partý á seinustu 3 vikum er maður alvarlega farinn að hugsa sinn gang. Ég meina Einkaball Í Bolungarvík hjá M.Í. ég meina hvers á fólk að gjalda þegar það hættir í Menntaskóla á það bara að hætta að skemmta sér með jafnöldrum sínum afhverju er það allt í einu svona mikið mál þegar krakkar detta í það á aldrinum 16-20 að það verði að ske fyrir luktum dyrum og einkapartý á bar sem gerir það að verkum að það má enginn skemmta sér nema þeir sem tilheyra einhverjum hópi. Ég mundi skilja þetta ef það væru 2 barir Í Bolungarvík en það er bara einn skemmtistaður hérna. Ef menn eru að velta fyrir sér afhverju fólk er að flytja af landsbygðinni þá er mig farið að gruna afhverju það eru þorrablót, einkapartý og menntaskóla böll.

 En annars þá er þetta ágætt ég fór á Langabar og fékk mér kaffi sem skýrir kannski afhverju maður er æstur, svo er náttúrulega enginn sem stoppar mann. Frá því að vera yfir sig kaffaður á Laugardagskvöldi að blogga því ég bý einn. Hvernig á mannkynið að fjölga sér Í Bolungarvík ef fólk er einstætt með stúdentspróf.

Bestfyrðir eru farnir að snúast í andhverfu sína.

Taliði við mig á morgun þá verð ég hress og man eflaust ekki eftir þessu enda er maður búnað stúta heilum 2 bollum á kaffi og drekka heilt glas af kóki ásamt því að bryðja ópal einsog smarties.

Kem með jákvæða fréttir á morgun.

 

 

 

 

 

 

 

Ein gömul mynd frá þeim tíma þegar ég mátti skemmta mér og haga mér einsog fíflið sem ég er. 

Ágætt

Var á Hólmavík í gær að horfa á söngvakeppni Samfés á Vestfjörðum ég mundi ljúga ef ég segði að þetta væri besta skemmtun sem ég hef farið á en þetta var ágætt samt. Hólmavík er reyndar ekki skemmtilegasti staður á Íslandi en ágætur lítill en of langur og heimskulegur eitthvað. Fór á íbúaþing áðan var of þreyttur til að vera þarna enda var þetta ekki meira en ágæt skemmtun enda er erfitt að koma svona inn á mitt þing. Sá Kristinn H Gunnarsson hann var ágætlega á sig kominn og greinilega á einhverjum veiðum.

Þoli ekki þegar lífið er ekki að maxa mann neitt enginn reiði enginn gleði bara svona ágæt stemmning í litla ágætis húsinu mínu. Er að spá í að fara í kvöld og gera eitthvað til að maxa líf mitt keyra útaf eða jafnvel fara á barinn og slást. Ætli kvöldið endi samt ekki í kvöld um eitt leytið þá er ágætt að fara heim eftir ágætt kvöld á barnum. Maður er bara orðin svona temmilegur sem er by the way orðið þreytt ástand. 

Er einhver með hugmynd að einhverju drastic til að maxa líf mitt einsog sprengingar eða eitthvað?

Allaveganna mig langaði að prufa blogga um frétt en þessi frétt er um tvo ágæta menn sem hafa maxað sig í penungum og frægð en vilja bara hafa það ágætt í bridge.

Hvað varð um galaveislur og eiturlyf er frægt og ríkt fólk bara upp til hópa ósnobbaðir lúðar sem hafa ekkert að gera ég meina þessir menn geta keypt sér go kart braut, farið til útlanda en nei þeir velja Bridge. 

Ég held ég segi það ágætt að sinni.

Takk fyrir að lesa þetta blogg sem ég vona að ykkur hafi þótt ágætt.

dæmi um það þegar maður er að maxa sig  

Bill Gates á Bridshátíð eftir tvö ár?

Loser og kennari

Jæja, þá er maður búnað gera það búnað klára skóla og kominn á vinnumarkaðinn.

Núna á seinustu þrem vikum hef ég líklegast gengið í gegnum stærsta breytingarskeið ævi minnar fyrir 2 vikum eða svo frumsýndum ég og Garðar myndina okkar Okkar skoðun í Fjarðabíó á Reyðarfirði og fyrir 3 vikum flutti ég burt frá minni heittelskuðu mömmu og á Bolungarvík til þess að gerast leiðbeinandi við Grunnskólann þar. Á þessum tíma hef ég einnig farið að finna fyrir því að röddin á mér er orðin dýpri ,eistun á mér hafa gengið niður og ég er kominn með hár á punginn.

djók.....

En allaveganna ég er búinn að byrja nýtt líf á Bolungarvík sem að virðist bara vera ágætt, fólkið hérna er vinalegt og skemmtilegt. En vegna þess hversu afskekkt það er hefur það aðeins 4 putta og gengur á fjórum fótum stærsti íbúi bæjarins er 1,50 á hæð hann er reyndar aðfluttur frá Þingeyri. Nei reyndar ekki hérna er bara venjulegt fólk einsog maður kannaðist við á Reyðarfirði fyrir nokkrum árum. Fólkið er venjulegt en það vantar allt ál í það en það bætir það upp með fiski og svoleiðis einsog Reyðfirðingar gerðu fyrir nokkrum árum.

En maður krossar bara puttana og vonar það besta um framhaldið hérna.

Nútíð og framtíð

Kom að bílnum mínum í dag og þá var búið að skrifa lúser í klakann á rúðunni hjá mér.  Hver sem þú ert þá máttu vita það að þú átt ekki langt eftir!

Á morgun fer ég til Hólmavíkur með Félagsmiðstöðinni þar sem krakkarnir úr henni eru að fara keppa í söngvakeppni Samfés á Vestfjörðum gaman gaman.  Einnig er sparífatadagur í skólanum á morgun fyrir kennara held ég mig grunar reyndar að það eigi að hafa mig af fífli fyrir framan skólann.  Vinnsutaðagrín eitthvað (einkennandi hugsun fyrir paranójusjúkan einbúa á Vestfjörðum)

 Pólitik eða eitthvað í deiglunni.

Hef verið að spá í þetta með lengingu dóma á kynferðisglæpamönnum og ég neita að skrifa undir svona listakjaftæði. Það hefur ekki bætt neinn að vera í fangelsi og ekki hefur maður tekið eftir því að margir komu úr fangelsi betri menn. Ég held að best væri að bæta réttargeðdeildina á sogni og vista þessa menn þar reyna að hjálpa þeim frekar en að refsa þeim þetta er nú einu sinni geðveila einhver. Hvort sem þessir menn eru í 5 ár í fangelsi eða þrjá mánuði koma þeir alltaf til með að brjóta af sér aftur og aftur. 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.